養心殿台式養生鍋 (已搬遷) 新店位置

到了晚飯時間，2個女仔唔係好肚餓，但又必須要食野。咁岩經過旺角養心殿，原來朋友未試過，所以就佢去試一試。每次都會叫鴛鴦湯底，一次可試晒兩種湯。朋友第一次食到對湯底讚不絕口！足料，夠味，只食湯料都食飽！現正推廣台灣蔬菜，喜歡試新奇食物嘅我哋，叫左三星蔥同埋一條超長既唔知咩，要用交剪剪斷，綠10秒，口感清爽，值得一試！喜歡食蔥既朋友可以一試三星葱，如果抱住想試一試嘅心態就免啦！印象中肥牛係低於一般水平，朋友話想食肥牛，於是點左一份細嘅，今次出奇地好食，有牛味，唔霉。我都食左幾片！唔知係唔係新店優惠，like Facebook就可以送一杯飲品，我們緊係唔執輸啦！食完朋友話會再去食！