漁不老烤魚雞煲火鍋 (諾士佛臺) (已結業)

今晚又去尖沙咀打邊爐，揀咗諾士佛台嘅漁不老。🪑環境唔算十分大，有好多間包廂，同朋友聚會一流。洗手間寬敞乾淨。🤗二人餐$348/位，食物超多種類！兩個人食到捧住個肚走。🐷麻辣豬耳唔會太辣，夠香，豬耳爽脆。🥗涼拌淮山超推薦，淮山非常新鮮爽脆，少少蔬菜甜味+麻辣味，好Fresh。🐟酸菜魚好大盆，酸菜夠味而不過酸，空口食都好適合。魚超滑，唔會腥，仲有吸汁豆卜、芽菜、海帶等，非常滿足。🐓藥膳雞煲藥膳湯底有預早煲過，唔係求其扔落去滾，所以真係有藥材味，煮雞感覺好滋補。雞件非常滑，好少打邊爐會有咁滑嘅雞👍🐮極上煽牯牛拼盤有牛味，比較有口感。🐷頂級黑毛豬卷有濃豬味。🦐海鮮拼盤極新鮮，大推扇貝，厚肉又鮮甜，鮑魚亦爽口。🦑墨魚丸有少少脆骨，口感豐富。🥟水餃超大粒蝦，調味恰到好處。💁🏻‍♀️服務店員幾好禮貌，會換碟，有問必答。🌟總括而言，真材實料，物有所值，值得一去。📍 漁不老烤魚雞煲火鍋 (諾士佛臺) (尖沙咀)尖沙咀諾士佛臺1號1樓