影片
更多
2020-04-30
220 瀏覽
係IG平台成日見到唔少人幫襯Ocio，評價一律都幾好咁，但親自試過之後，真心覺得可一不可再。我已經好少會打劣評，但有種種因素令我覺得餐廳有好多野需要改善，希望佢地會正視。首先係上菜速度，唔知餐廳係咪近排先開始做外賣服務，朋友覺得上菜速度有啲慢，而當時堂食食客只有三枱左右。餐廳忙緊處理外賣訂單，所以上得頗慢，我覺得可以再改善下兩邊嘅速度。另外係衛生方面問題，雖然知道餐廳通常點都會有小強或者老鼠，好難完全避免，但如果有小強明目張膽咁係食客面前出現，點都會扣分。當晚食食吓見到隔離枱地下出現一隻垂死掙扎嘅小強，都好大隻下，之後同咗店員講，店員好迅速處理，呢樣值得讚嘅。不過幾秒後就將啱啱入嚟嘅食客安排坐係同一位置上，總覺得個枱食客有啲慘。-奧斯BBQ醬春雞伴意粉 $118燒春雞整體肉質好鞋身，雞髀部份好少少，但整體都做唔到嫩滑口感，令人失望。BBQ醬調味一般，唔夠香濃。醬汁份量亦唔多，令意粉失色。-軟殼蟹黑松露意大利飯 $128同行友人叫咗呢款飯，我都少嚐咗啲啲。軟殼蟹味道不錯，蟹膏部份夠鹹香，口感頗酥脆。但黑松露意大利飯調味同樣出事，明明黑松露係濃味配料，但燴飯味道依然係偏淡。-鑊仔伯爵茶雪山
首先係上菜速度，唔知餐廳係咪近排先開始做外賣服務，朋友覺得上菜速度有啲慢，而當時堂食食客只有三枱左右。餐廳忙緊處理外賣訂單，所以上得頗慢，我覺得可以再改善下兩邊嘅速度。
另外係衛生方面問題，雖然知道餐廳通常點都會有小強或者老鼠，好難完全避免，但如果有小強明目張膽咁係食客面前出現，點都會扣分。當晚食食吓見到隔離枱地下出現一隻垂死掙扎嘅小強，都好大隻下，之後同咗店員講，店員好迅速處理，呢樣值得讚嘅。不過幾秒後就將啱啱入嚟嘅食客安排坐係同一位置上，總覺得個枱食客有啲慘。
-奧斯BBQ醬春雞伴意粉 $118
燒春雞整體肉質好鞋身，雞髀部份好少少，但整體都做唔到嫩滑口感，令人失望。BBQ醬調味一般，唔夠香濃。醬汁份量亦唔多，令意粉失色。
奧斯BBQ醬春雞伴意粉
$118
21 瀏覽
2 讚好
0 留言
-軟殼蟹黑松露意大利飯 $128
同行友人叫咗呢款飯，我都少嚐咗啲啲。
軟殼蟹味道不錯，蟹膏部份夠鹹香，口感頗酥脆。但黑松露意大利飯調味同樣出事，明明黑松露係濃味配料，但燴飯味道依然係偏淡。
軟殼蟹黑松露意大利飯
$128
34 瀏覽
1 讚好
0 留言
-鑊仔伯爵茶雪山熱香餅 $79
本身對呢款甜品甚有期望，覺得賣相亦唔差，但厚身熱香餅食落不過不失，易滯之餘，口感唔夠輕盈，伯爵茶味道唔算突出。只有配上雲呢拿雪糕同食，冷熱口感先令熱香餅味道有所昇華。
鑊仔伯爵茶雪山熱香餅
$79
36 瀏覽
0 讚好
0 留言
整體而言，個人認為只有忌廉粟米餐湯係全晚最好味嘅菜式，實在令人失望。
張貼
