Chez Bistro (已結業)

最近經朋友介紹知道呢間餐廳好好食，今次專程book位嚟食！呢度晚市都係食set，4-course dinner set。前菜可加$50轉法國生蠔海鮮拼盤，包左法國生蠔、翡翠螺、北海道帶子刺身、三文魚子同牡丹蝦刺身。生蠔有成隻手掌咁大，入口夾脆！翡翠螺爽得來彈牙！帶子刺身肥美鮮甜！是日餐湯南瓜忌廉湯，好creamy，飲落好香南瓜味！炭燒澳洲和牛西冷扒，屬於廚師推介，五成熟，入面真係煎得啱啱好，少少血水，食落好香牛味，仲好有肉汁，而且有淡淡的炭香味，面頭有少少焦香！甜品方面有窩夫伴Movenpick焦糖雪糕配雜果及碎杏仁，好香脆，有蛋香味，擺盤又靚，配埋雪糕一齊食，超享受！