影片
更多
2020-09-03
4244 瀏覽
📍超舒適韓風餐廳 -- 一日之間☝️💛Bookmark咗一日之間好耐❣️終於趁開學前去咗🥰呢間cafe位於南豐紗廠入面，裝修簡約舒適，令人有身處家嘅感覺🤩同朋友嚟傾下計就最好不過🤫當日我哋叫咗一個定食、一個吐司同一個蛋糕🙈------------------------------⭐️古早味黃豆粉黑糖法式吐司（$88）呢個吐司嘅製作時間要20-30分鐘，所以要預返少少時間等，不過食完就會知係值得等待！🙈吐司沾滿黃豆粉，食落充滿豆香非常特別😍麵包邊烘得香脆，內裡濕潤軟熟❣️加埋甜甜哋嘅黑糖醬同mascarpone cheese一齊食真係好好味😍焦糖香蕉嘅表面食落焦脆，而且夠熟夠腍👍整體好有驚喜，必試呀❣️------------------------------⭐️白桃伯爵茶卷蛋（$50）賣相精美，好啱打卡🤫聞落有濃濃嘅earl grey味，可惜蛋糕體食落茶味好弱，而且甜度都幾高，同期望都幾大落差😭內裡嘅白桃同cream正正常常唔太特別～不過好彩蛋糕嘅口感幾濕潤唔會乾身，都還好👍但整體而言小編唔太推介🙊------------------------------⭐️韓式醬煮蘿蔔鯖魚定食（$88）鯖魚
Bookmark咗一日之間好耐❣️終於趁開學前去咗🥰呢間cafe位於南豐紗廠入面，裝修簡約舒適，令人有身處家嘅感覺🤩同朋友嚟傾下計就最好不過🤫當日我哋叫咗一個定食、一個吐司同一個蛋糕🙈
------------------------------
⭐️古早味黃豆粉黑糖法式吐司（$88）
呢個吐司嘅製作時間要20-30分鐘，所以要預返少少時間等，不過食完就會知係值得等待！🙈吐司沾滿黃豆粉，食落充滿豆香非常特別😍麵包邊烘得香脆，內裡濕潤軟熟❣️加埋甜甜哋嘅黑糖醬同mascarpone cheese一齊食真係好好味😍焦糖香蕉嘅表面食落焦脆，而且夠熟夠腍👍整體好有驚喜，必試呀❣️
------------------------------
⭐️白桃伯爵茶卷蛋（$50）
賣相精美，好啱打卡🤫聞落有濃濃嘅earl grey味，可惜蛋糕體食落茶味好弱，而且甜度都幾高，同期望都幾大落差😭內裡嘅白桃同cream正正常常唔太特別～不過好彩蛋糕嘅口感幾濕潤唔會乾身，都還好👍但整體而言小編唔太推介🙊
------------------------------
⭐️韓式醬煮蘿蔔鯖魚定食（$88）
鯖魚份量頗多，兩個人食啱啱好😆用上韓式醬烹煮，食落酸酸甜甜，好開胃👍用嚟撈飯一流🥰蘿蔔煮得軟腍，索曬醬汁嘅精華好正👍side salad嘅紫薯蓉綿密，味道天然微甜😆整體不俗❣️
------------------------------
⭐️韓國艾草鮮牛奶（$55）
顏色微綠頗特別，聞落有微微嘅草青味🙈牛奶質感濃厚，奶味香濃😍然後後勁慢慢滲出艾草嘅青香，非常特別❣️值得一試❤️
------------------------------
賣相：7.8/10
味道：8.7/10
性價比：7.3/10
回頭率：6.8/10
------------------------------
店舖資料
名稱：一日之間
地址：荃灣白田壩街45號南豐紗廠1樓103號舖
前往方法：荃灣站A出口
張貼
