茶木‧台式休閒餐廳 (已結業)

好想食台灣野但係道道都好多人，唯有食茶木啦。今次叫左好多野，真係飽到傻。台式滷味拼盤 （$77）拼盤入面有雞翼、牛展、豬腩肉、雞腎、半隻溏心蛋，每樣都有兩件，滷水味夠濃，夠鹹，而且都好入味。 紅燒半筋半腩牛肚麵 （$76）碗麵等左半個鐘，但係每樣野都好似唔太熟咁，啲麵好硬，痴埋曬一齊。蘿蔔可能太大舊所以唔係好熟，牛肚就還可以，份量都算多。養顏花膠濃雞湯  （$128）呢個湯係新出嘅，佢寫就寫二人份，但係我覺得似4人份多啲，湯同雞都好多，不過花膠就得兩舊，所以唔算好抵。而且啲湯好黃，黃到有啲奇怪。雞就有啲鞋，同埋冇咩味。不過叫左呢個湯就可以以優惠價叫個中卷米線同埋$33以下嘅飲品。中卷米線 （$18）米線細細碗咁，好似碗仔翅。入面冇咩餸嘅，得幾條木耳同蔥咁。巧克力曲奇蜜糖磚塊 （$58）呢排做緊特價，好抵食，但係睇落好似縮左水咁。士多啤利好酸，然後雪糕有啲曲奇喺上面，普普通通咁。入面啲多士好脆，沾上蜜糖甜甜地，好好食，但係出面啲多士邊就冇咩味啦。仙草奶茶 （$36）奶茶有啲黑糖喺底，記住要撈下佢先飲，成杯都係不過不失。仙草係正方形嘅，食落偏硬，單用飲筒吸唔到，要用匙羹𢳂黎食先得。黑糖珍珠