百味堂 (已結業)

成日經過百味堂都冇幫襯過，因為次次都食完飯先經過，覺得應該食唔落。今次咁啱食唔飽，所以決定去過下口癮。店舖唔大，多數都系雙人位，有個隱蔽d嘅細卡位坐得幾舒服。講下杯雪糕先。今次叫咗佢招牌嘅牛奶雪糕。首先賣相係無得頂，個望落好smooth 嘅屎屎型雪糕真係好可愛，忍唔住即刻咀落去。佢外表同内涵一樣咁好，口感細滑，奶味超超超超濃，對於牛奶控嚟講真係天堂呀。個cone 都好靚，咬落脆卜卜，口感好輕，唔似一般餅cone 個種飽肚感。成杯雪糕係視覺同味覺嘅享受呀😍