睿居酒屋 (已結業)

今晚同朋友慶生, 去左大坑食日本嘢, 呢邊好多間食肆, 人流都唔少.呢間日本料理門口有個小小玄關, 帶日本風, 有特色. 座位唔算多, 不過感覺舒適.高糖蕃茄配柚子汁蕃茄甜度高, 同柚子汁好夾!柑橘醋海蜇海蜇爽脆, 配上微酸既柑橘醋, 醒神開胃, 前菜必選.深海池魚薄切深海池魚好鮮味, 唔腥. 配埋特製酸汁, wasabi, 蔥, 好夾, 食到停唔到口.大拖羅, 赤貝，油甘魚，深海池魚全部刺身都超新鮮, 值得一讚! 大拖羅跟本同喺日本食既有相同味道及質感, 超肥美! 即開赤貝, 爽爽脆脆! 油甘魚超厚切, 油份剛好. 深海池魚好有咬口, 但係絕對唔會韌!赤身，帶子，白蝦壽司赤身配上薑蓉, 赤身都入口即溶, 質素一流. 帶子超厚切, 一啖係放唔晒入口, 超鮮甜! 上面加左炭鹽, 完全帶出鮮味. 白蝦配啫喱酸汁係估佢唔到咁夾咁好食, 一流! 西京燒銀雪魚呢度既銀雪魚真係非同小可, 肉質超級嫩滑香甜, 又燒到好香, 配上沙律醬已經好食到震!羊架肉質嫩滑, 唔會太肥, 配埋黃芥茉檸檬汁, 絕配!串燒 - 白鱔, 雞翼, 牛舌, 雞腎白鱔配日本蛋, 香噴噴既白鱔之餘加上滑滑蛋汁.牛舌爽口, 肉嫩