影片
更多
2018-01-13
512 瀏覽
紀念日知道另一半好鐘意食西班牙菜，所以就帶左佢去蘭桂坊一間西班牙餐廳 (Cassio) 到食晚飯，餐廳好有來頭 2017 年係倫敦已獲米芝蓮一星的嘉許。餐廳大致分為酒吧、用餐區及露天平台。恰好嘅燈光，令整體環境有情調夠氣氛，配合輕鬆而懷舊嘅音樂，令人加倍放鬆。而枱上既餐具、餐碟同餐巾，都非常有古老西餐廳嘅味道。餐廳主要既菜式都印左係一張紙的菜牌上，而且重有一個 Daily Special 餐牌，係佢地呢期既特色菜每樣都好吸引。Pan con Tomate : 是以多士墊底，上面配上酸酸甜甜的蕃茄餡，蕃茄餡上灑上香草，好在餡多之時不會浸軟下層脆包，係一味道地既開胃小點。Prawn Croquetas : 外表睇落去平平無奇，裏面係蝦肉，但食左一粒之後，我決定叫多一碟。因爲蝦肉真係好鮮甜同好好好好味呀。必食 Acorn-fed Iberico Jamon Hand-Sliced : 西班牙火腿果然真係唔同 D，油潤鹹香而且肉質細膩，但卻無一種油膩嘅感覺，入口油脂豐腴令人回味。Juicy Seafood Rice : 西班牙海鮮飯，雖然份量不多，但米飯吸收了好濃郁的龍蝦汁同醬汁既精華，而飯的
餐廳大致分為酒吧、用餐區及露天平台。恰好嘅燈光，令整體環境有情調夠氣氛，配合輕鬆而懷舊嘅音樂，令人加倍放鬆。而枱上既餐具、餐碟同餐巾，都非常有古老西餐廳嘅味道。
餐廳主要既菜式都印左係一張紙的菜牌上，而且重有一個 Daily Special 餐牌，係佢地呢期既特色菜每樣都好吸引。
Pan con Tomate : 是以多士墊底，上面配上酸酸甜甜的蕃茄餡，蕃茄餡上灑上香草，好在餡多之時不會浸軟下層脆包，係一味道地既開胃小點。
Prawn Croquetas : 外表睇落去平平無奇，裏面係蝦肉，但食左一粒之後，我決定叫多一碟。因爲蝦肉真係好鮮甜同好好好好味呀。必食
Acorn-fed Iberico Jamon Hand-Sliced : 西班牙火腿果然真係唔同 D，油潤鹹香而且肉質細膩，但卻無一種油膩嘅感覺，入口油脂豐腴令人回味。
Juicy Seafood Rice : 西班牙海鮮飯，雖然份量不多，但米飯吸收了好濃郁的龍蝦汁同醬汁既精華，而飯的口感有點像意大利飯，而海鮮配料是大蝦、蛤、魚，食落口就已經知係新鮮食材。
Iberico Pork Ribs : 肉質嫩滑而且配上餐廳自家製既小麥薯條，十分很特別。
張貼
