大川滬 (已結業)

今日放工同屋企人去左食呢間上海菜。好少行黎中港城呢邊，發現原來呢邊除咗無咁多人，環境仲非常之舒適。大家如果怕海港城多人食飯要等位的話，不妨行多兩步過嚟呢邊，因為今餐飯真係食得好滿足😋😋😋一坐低，老闆娘親自行過嚟招呼，介紹番啲菜式，茶水係蕎麥茶，麥味好香！餐廳標榜食材係嚴選級，用料一啲都唔馬虎！你擺入口就知係真材實料！醉鷄用嘅係靚酒，醃得好入味！甘甜回香！同其他地方食嘅有分別！水煮魚用新鮮花椒秘製，龍脷柳超厚身，係好新鮮銀耳紅杞藏白玉老闆娘話係用蜂蜜黎煮，唔怪之得食落個種甜味好清，好滋潤,果然用料上乘！我哋望住個日落，用餐經驗非常良好，大家唔想同人迫又想食高質上海菜要過嚟一試