燒烤堂 (已搬遷) 新店位置

呢日放工約左朋友去中環食dinner，我地去左一間新開既串燒店。呢間中環既串燒店好高質，串燒既叫即燒，燒到好惹味，而且價錢都唔算貴。今次點左好多野，呢個焦糖青蘋果鵝肝多士超邪惡，鵝肝超大件，非常肥美，多士係麥包，入面仲有芝士，口感豐富。蜜糖燒菠蘿超甜，好juicy。另外，鹽燒豚肉荔枝卷都令人好難忘，荔枝既清甜可以balance返燒豚肉既油膩感，好夾！仲有呢個勁惹味既芝士烤生蠔啊。呢個汁燒免治雞肉軟骨棒都好正，點埋啲生雞蛋一齊食，好正。串燒配啤酒簡直係一流！