第一郡 (已結業)

同個friend睇完戲，行過天后，見到有間越南餐廳，佢話想食越南法包，所以入去食個 late lunch.睇完menu, 個friend目標明確，當然係食越式法包，加個牛油果沙冰，同埋班蘭綠豆糕做甜品，真識食。正當我未有頭緒時，老闆介紹我一樣連update嘅新產品，順化牛展米線，聽落唔錯，即管試下，我再加多杯青檸梳打。飲品先到， 牛油果沙冰，透心涼，牛油果味夠，唔太甜。青檸梳打，糖水底多啲，甜左啲。班蘭綠豆糕，好煙艮，班蘭味好香，好好味。至於法包，包好鬆脆， 酸菜好開胃，扎肉鹹左啲，整體呢講，都算唔錯。老闆介紹嘅米線，又真係幾好味，湯底酸酸甜甜，仲有少少辣，配埋牛展，扎肉，豬手，相當好味，我覺得啲香草洋蔥太多，有啲喧賓奪主。不過第一食順化食物，覺得真係唔錯。