鳴越越式料理

營業中

休息中

今日約左朋友去睇維尼與我，睇戲前食個午餐先，早兩日食完錦麗個牛肉河認真唔錯，心思思又想食越南野，見到有間新開嘅餐廳，就入去試試佢。個午餐餐牌都幾豐富，有成22款選擇，不過黎得食越南野，食牛肉河先是常識吧。我叫左個越式生牛肉河，黎到個牛肉都真係幾生下，有d嚇一嚇。不過個湯就好夠熱，一浸落去，好快就熟晒。飲啖湯睇睇先，個湯又幾濃喎，牛骨味算重，都幾真材實料。配料有金不換同青檸，芽菜反而無，就有d失望。 而個牛肉呢，就一般般，肉味唔太重，都切得幾薄身，食落都算嫩滑，合格啦。另外叫左杯越式滴漏咖啡就幾有驚喜，咖啡溝煉奶，雖然有dd甜，但幾滑身，值得一試。總括來說，都算係唔錯嘅越南餐廳，有機會會試下d飯。