川莊

營業中

休息中

約咗朋友係旺角一帶食晚飯，想食辣野，之前試過一次偏鹹但諗住俾多次機會，點知中曬伏。兩個人嗌咗水煮桂花魚加五份配料，一食入口扁曬嘴。成嘴得個麻字，口脷都痺，無鹹無辣。朋友平日有辣即歡都接受唔到，難受到無胃口。捱咗幾啖有骨魚(桂花都清唔曬啲骨？！)忍唔住同侍應反映，個男侍應竟然話俾水我地洗下佢，仲話啲味道定好曬，無辦法。諗住寧願無味道，都好過淨係麻就沖一沖，點知仲衰，啲麻味衝曬出黎超級"攻"鼻，嚴重懷疑佢落咗不知名"加料"調味劑。埋單嗰陣忍唔住反映多次，個經理承認好多人投訴，仲嗌下次再試。仲有下次？！伏味！！