Ben哥米線

營業中

休息中

今日放工想轉下口味試吓其他米線舖，見到收10點咁依家9點都可以入去食30分鐘，叫左個藥膳豬骨湯底加豬軟骨豬腸豬皮，想食豬潤，但係佢話買晒，感覺個姐姐態度差差哋，好似老闆娘咁款，味道都幾好食，諗住慢慢食飲吓嘢睇吓手機，點知食咗10分鐘，可能佢哋見得兩台客，開始做清潔，又拖地又抹野，我唯有食快啲啦，但係當時都係9點15分，我見隔離嗰台都嗱嗱聲飲埋杯嘢走，黐線㗎好似趕客咁樣，明明收拾十，點9點15分就趕人走，好似阻住佢收工咁，感覺唔好呀，幾好食都冇用啦咁樣，個阿姐又凶神惡煞咁樣。