影片
更多
2024-08-02
402 瀏覽
今日同同事行去企業1期試下呢間丼飯，睇落價錢不算貴，比起隔離的越南餐廳平，同茶記差不多價錢，但係飲品就要另外加錢，汽水加$5，花茶加$10，待別D飲品就加$12。
今次試鍋物：壽喜燒牛肉鍋，問店員有無飯或烏冬跟，店員答有，可以揀飯或烏冬，之後就揀咗要烏冬。另外一位同事要部隊鍋，但都只係有飯或烏冬選擇，沒有配麵!!!
付款後坐低一看張單，點解貴咗$4，明明寫住$57！後來才發現加飯不收費，加烏冬要收多$4。下單時店員沒有提醒揀烏冬係要加錢。
這間丼飯是自助取餐的，取餐時才發現壽喜燒牛肉鍋用外賣紙碗上，烏冬則是分開的。看上的感覺像是吃壽喜燒牛肉湯烏冬一樣！烏冬本身好味，不是麵粉烏冬，但牛肉就煮過火了，很硬很乾。同事的部隊鍋湯底也很淡。
整體上，觀感同照片上的名稱不符，外賣紙碗什能夠叫做鍋物呢！除咗個烏冬係熱熱地，個壽喜燒牛肉係暖嘅！造作時間又比較慢（我們已經是第二批客人點餐），令到用餐時間很少，快快吃完就要趕返工。
總結：暫時不會再光顧 (即係無下次)
張貼
