Kim's Bowl (遠東金融中心) (已結業)

不嬲有食開Kim’s Bowel嘅Kimbap 但係今日就有啲餓，想食大份少少嘅下午茶，見佢都有好多唔同嘅選擇，我今次就試咗腐皮壽司，有三款可以揀，我覺得每個Combo都好有心思，因為佢個構成係參考韓式料理，有前菜、韓式小菜同埋肉類嘅主菜，再加杯飲品！完全係Mini晚餐combo A蟹子蟹柳沙津，方便嘅係蟹柳切碎咗之後好易入口！個人就最鐘意辣味魷魚，生魷魚煙煙韌韌韌，而且調味夠辣，感覺好正宗！醬燒牛肉就係傳統韓國嘅調味，咸咸甜甜咁！combo B栗米沙律同蟹子蟹柳沙津調味差不多，但個人就鐘意啲栗米夠甜，而且有多少少蔬菜碎，好似健康啲咁！醬油鹹魚仔，咸味比較重，但都係有陣甜味係到，所以都好特別！而香辣豬肉比辣味魷魚無咁辣，感覺韓式醬落得唔算太多，所以都好好食！