南대門3號

營業中

休息中

點菜後waitress好快就送上三款韓式涼拌小菜：泡菜、大豆芽、甜甜地嘅黑豆花生雜果仁，泡菜辣味適中，好開胃。石頭鍋飯同牛肋骨湯份量比我想像中大，上枱時熱辣辣，食到最後都仲係熱熱地。石鍋飯牛肉絲帶點甜味幾惹味，鍋底勁多飯焦，撈埋一齊食，口感豐富。牛肋骨湯飲落好香牛味，唔覺有味精，味道啱啱好，仲有幾舊大大件牛肋骨，配埋白飯同涼拌小菜食又另一番風味。鐵板牛肉係薄切牛肉，配埋勁多蔥同洋蔥，味道夠哂香口。