友利冰室 x 勿當奴 (D2 Place TWO) (已結業)

鮮🍅焗厚切🐷扒飯：9 x ❤️乳🐷卡邦尼🇮🇹粉：8 x 🧡花膠螺頭燉🐔湯：8 x 🧡叉燒🔥拼燒腩仔：7 x 💛呢道有啲似快餐店模式，先點嘢食同俾錢，唔同嘅係之後會有專人送埋餐上枱。有名又有特色嘅乳豬卡邦尼意粉，當然要試吓，個賣相都唔錯，乳豬香脆，卡邦尼意粉幾好味，絕對物有所值。鮮茄焗厚切豬扒飯比想像中出色，金黃拉絲芝士下面，係用番茄同埋茄膏茄醬調製嘅濃厚醬汁，厚切豬扒鬆軟，而且夾有少少肥肉，啖啖肉食得好過癮，個炒飯底亦好出色，乾身香口，其實都真係有啲驚喜。雙拼燒味飯燉湯套餐都好抵食，燉湯熱辣辣而且材料十足，叉燒同燒腩仔賣相都好靚仔，如果燒腩仔嘅皮做得鬆脆啲就更一流。總體嚟講，出品同性價比都算係好唔錯。