新天地美食

營業中

休息中

又一次夜晚路過柯士甸路覓食，今次去到老婆學校門口，佢讀左咁多年都未食過呢！入面環境好大排檔feel...但營業至深夜，我當時10點幾去，都見到幾多人買外賣。呢度有碟頭飯、炒粉麵飯、小炒同老火湯等等。我一條友主要想飲碗老火湯，招牌雞腳湯（$30）：足料有冬菇同雞腳，雞腳夠淋又起膠，骨膠原豐富，湯頭夠濃味，好真材實料！口痕叫多一個小食。手作煎餃（$32/半打）：餃子都幾飽滿，漲卜卜咁，一個人食六隻都夠，略嫌佢油左啲。如果唔介意環境的話，黎呢度飲碗老火湯做宵夜都幾好。