Lockeroom Dining (朗晴坊) (已結業)

唔知大家有冇特別喜好中意搵野食都去搵D特別主題嘅餐廳，打卡又得，食又得丫嘛。今次又試到一間係足球主題，準確D講係阿仙奴主題嘅餐廳，如果係帶男性朋友去就記得要問清楚係咪OK先好帶啦！場內都有好多店主珍藏嘅波衫，如果係阿記球迷應該係會好享受係到食野。今次食左個SET LUNCH，菜式都有好多選擇，今次點了兩份肉。跟餐有齊前菜、麵包、湯及餐飲。餐湯好有驚喜，咪道好濃郁！香燒美國Creekstone牛肉眼拼法國鵝肝牛扒厚肉，五成熟度，燒得外脆內嫩。雖然有厚度，但意想不到好嫩，肉質纖維超易入口，牛味都好濃，依塊牛扒幾高質！鵝肝的油脂入口即溶，配埋牛肉...意想不到同鵝肝係咁夾，完全將兩個味道昇華。燒烤醬西班牙黑毛豬梅肉拼北海道元貝黑毛豬肉都係好厚身，不過相比牛肉眼就無咁軟腍，但有口勁。燒烤醬同豬肉係好好的配搭，加上北海道元貝的咸鮮味，整體都係好好食。