九雲居 (已結業)

今日約左個同事食晏，佢帶我去跑馬地食泰菜，估唔到又幾唔錯喎。佢有幾張大枱，我地2個人都坐左張6人枱，又唔洗搭枱，幾好。佢有午巿套餐，12款主菜，7款小食同埋7款飲品，一定揀到想食嘅野。我叫左個福建肉骨茶配炸春卷，飲冷萃水果茶。個肉骨茶好香，有少少藥材味，佢有半個煮蒜頭係肉骨茶入面，好特別，個蒜頭好甜好林，好好味😋啲豬肉骨又夠大條，又入味，配飯食好好味，湯底亦都濃淡適中，整體不錯。佢嘅炸春卷同水果茶就正常發揮，都可以再試。