影片
更多
2024-04-09
929 瀏覽
同朋友試咗跑馬地呢間中菜館，位處比較隱蔽的橫街內，食完覺得好好味，又見開業兩三年網上都冇乜人分享過就梗係要開心share啦. 今次完全體現到越簡單菜式先越彰顯廚師嘅功架，平凡彰顯不平凡，簡單就是美. 小店裝飾典雅撲實中國風味濃厚，環境乾淨企理，人均三百幾價錢相當合理，用餐體驗愉快.⭐️生拆蟹肉炒大良奶口感香滑清新. 非常足料多蟹肉，蟹肉鮮美. 鮮奶同蛋白炒得好棉滑唔會油膩. 西蘭花好爽咬落颯颯聲. ⭐️琵琶豆腐外脆內嫰，豆腐保持滑溜，內裏釀滿蝦、冬菇、蛋白等食材原汁原味，口感豐富. 醬汁調配好好將食物味道層次昇華. ⭐️鮮菠蘿生炒骨賣相非常好，三色椒色彩斑斕，新鮮菠蘿份量多. 食落好開胃甜酸度啱啱好，豬梅肉皮薄香脆肉質鮮嫩。 菠蘿非常鮮甜而且輕輕燒帶過有焦香. 另外叫咗兩個白飯，啲餸全部都係下飯好材料. 可惜有啲菜式例如炸子雞豉油雞等等要早啲預訂即日係冇得食㗎. 有興趣嘅朋友記得預訂. 同埋呢度日頭有點心套餐款，而且價錢相宜，下次一定要嚟試吓.
⭐️生拆蟹肉炒大良奶
口感香滑清新. 非常足料多蟹肉，蟹肉鮮美. 鮮奶同蛋白炒得好棉滑唔會油膩. 西蘭花好爽咬落颯颯聲.
⭐️琵琶豆腐
外脆內嫰，豆腐保持滑溜，內裏釀滿蝦、冬菇、蛋白等食材原汁原味，口感豐富. 醬汁調配好好將食物味道層次昇華.
⭐️鮮菠蘿生炒骨
賣相非常好，三色椒色彩斑斕，新鮮菠蘿份量多. 食落好開胃甜酸度啱啱好，豬梅肉皮薄香脆肉質鮮嫩。 菠蘿非常鮮甜而且輕輕燒帶過有焦香.
另外叫咗兩個白飯，啲餸全部都係下飯好材料. 可惜有啲菜式例如炸子雞豉油雞等等要早啲預訂即日係冇得食㗎. 有興趣嘅朋友記得預訂. 同埋呢度日頭有點心套餐款，而且價錢相宜，下次一定要嚟試吓.
張貼
