萬興茶餐廳

營業中

休息中

澳牛嘅凌亂和態度Fine Dine 嘅價錢和速度食咩？餐蛋麵，熱奶茶。（指着餐牌）你依個餐淨係可以揀呢兩樣。即係你哋冇餐蛋麵？哦，你要雙拼餐，你同我講吖嘛。⋯⋯睇睇張單啱唔啱？我唔係同佢一齊，分單唔該。吓，你早啲講嘛！你派位㗎喎，我仲要同你講啊？咁我錯囉（華麗轉身，走開）。$48 加等15分鐘食個茶餐廳早餐⋯⋯等嘢食期間，見到其中一個外賣客擾攘咗一輪，最終要自己行去廚房攞外賣嘅凍檸茶。搭枱嘅一對情侶叫咗杯凍檸茶走冰，杯凍檸茶嚟到得返半杯。他們看了我一眼，我看了一眼大家心裏想講嘅說話已盡在不言中。