田浦食肉

營業中

休息中

呢排IG有好多人推介，就嚟試吓👀入座後，見到Menu寫住新開未拎到酒牌，歡迎人客自行帶酒。這安排有點不周，建議可以在訂位個時講聲，或者在門口當眼位置預先提醒客人😓本來打算散叫，點知店舖規定散叫最少叫3款，最後都係叫咗個套餐（包括烤排骨、五花肉同烤豬皮）。另外，店舖正在做推廣活動，喺IG 出post同tag 田浦，會送一份雞蛋羹（蒸蛋）。蒸蛋先上，應該係用高湯去整，加上芝士等，好好味！就算冇做優惠，本身都諗住order。豬五花由於鍾意食厚切，所以略嫌不夠厚身。Oppa 燒得太過耐，有點硬身。反而伴碟的杏飽菇幾好味，有驚喜。豬皮份量好少（可能係跟餐），但豬皮幾香口。牛肋骨3樣嘢當中最差，首先舊肉嘅色澤唔吸引，醃料搶晒牛肉味，食落似雪咗好耐，燒完個肉質好似「嗱」過塊牛咁，最後食剩好多。總結店舖主打由韓國人主理，又有oppa幫手燒肉，相信係賣點之一。不過，食物質素強差人意，個人是次用餐感覺很一般，應該不會再幫襯。