任你點車仔麵 (已結業)

今日陪同事去深水埗買野，突然心血來潮想食車仔面，點知見到「文X」好多人排隊。立即轉戰其他地方，見到有一間係附近，叫「任你點」。見外面既餐牌唔錯，決定試試！款式算多算唔錯！我叫左3個餸，腩肉，大腸，水餃。腩肉有3大塊，好足料，仲要係厚切。大腸算幾入味，又乾淨。最後到水餃，好足料，皮唔太厚，似係自己包的。之後仲加多個墨魚餅，無咩炸粉，好真材實料！但係原來佢地最出名係花膠，下次黎一定要試一試，聽講好足料！