School Food (已結業)

在屯門市中心見完客時間尚早，約咗妹子食晚餐叫佢早啲來，妹子見我唔肚餓提議去SCHOOL FOOD，都好喎，上次食已經係年幾前嚕。咁早嚟成個場空蕩蕩無咩客，大家都唔係肚餓食得又唔多，揀食咩又再選擇困難症發作，左諗右諗揀咗個美人卷，因為感覺好健康。加多一個滑嘟嘟海鮮鍋，份量應該夠2個人食飽飽。先來個韓式壽司美人卷，擺盤好似白板上的2朵花，米飯加入紅菜頭汁所以變成梅紅色，中間係青瓜、甜蛋同牛油果，米飯比較濕，食落口味清新，又有兩大健美元素加持，OK架滑嘟嘟海鮮鍋滑嘟嘟原來係豆腐嚟，其實就係豆腐海鮮鍋，有幾隻大蝦仁、少量花枝和蜆肉，另有些芽菜、豆皮，仲有年糕墊底，味道嘛...不香...平平無奇，沒有重點。