逸東餃子

營業中

休息中

今日係平日，橫掂落開街買野就係街食埋lunch 啦。唔太肚餓，想搵啲輕食食吓，諗起蜆殼街有間餃子店，一於幫襯吓。呢間舖頭我之前幫襯過一次外賣同一次堂食，兩次食都幾好味。12:45嚟到，仲有位。睇咗一下餐牌，決定叫個酸辣湯拼埋6隻大白菜豬肉餃子（$44）。餐廳環境，簡簡單單，都好光猛。坐位唔算好多，但都坐得舒服。大概容納到20個堂食客人。餃子係即叫即煮，等咗10分鐘餃子就送到面前。酸辣湯有啲木耳絲，粉絲，蛋絲同筍絲。唔算好足料。味道正常。大白菜豬肉餃子，個餡滿滿的，有鮮味。不錯。不過個人覺得性價比就唔係好高。