山見台式火鍋 (如心廣場一期)

營業中

休息中

呢間山見台式火鍋 位於荃灣楊屋道8號如心廣場一期1樓126-127號舖，裝修都幾特別，位置闊落，服務都ok。之前每次路過都好想試呢間，今日同朋友終於都約到時間可以嚟食喇！叫咗個鴛鴦鍋底，一邊係牡丹美人鍋，另一邊就係風味沙茶老鍋，兩個嘅湯底都幾ok。肉類就係梅花肉同埋阿公花雕醉雞件，兩者嘅肉類都唔差，調味料都幾多選擇，自由配搭，還有熟食可以揀，今次就間咗滷肉飯，可以飯少滷肉多，只要你唔怕鹹，就可以實現滷肉自由。自家製雪糕，細細杯可以試到唔同嘅口味，冷泡茶都唔差，飲品區嘅選擇都幾多。今日呢餐兩個又係托住個肚走。