Boire et Manger (已結業)

之前中午都有食過呢度既法國餐餐廳環境同氣氛都相當舒服最近知道佢晚市供應日式串燒同清酒即刻同姐姐一齊黎摸下酒杯食返餐食串燒飲清酒係必須既prefect match食串燒之前當然要簡返款酒黎飲下店家就推介左我地飲apple liqueur帶小小蘋果酸酸甜甜味岩曬我地女仔飲·鵝肝多士香脆的吐司混合油香豐富既香煎鵝肝，食落好惹味。·串燒我地叫左幾款串燒(雞軟骨免治串，黑豚肉串，燒牛小排串，厚身牛呑，燒白鱔串) 全部都燒得好香，唔會燒到乾曬身，肉串充滿肉汁，牛肉夠腍唔韌身。·明太子雞翼成隻都脹卜卜既明太子雞翼餡料多，外皮又香脆，雞肉入口嫩滑，實在令人想食完一隻又一隻。·沖繩苦瓜炒豚肉苦瓜味道甘甘地唔會苦，豬肉炒得夠腍，整晚最喜歡這道菜。·抹茶點盛抹茶控必點！有四款抹茶甜品 （紅豆抹茶雪糕，Roll Cake，麻薯，福餅），每件份量細細地一啖入口唔會太膩岩岩好。