森．湯咖哩 (已結業)

一個人成日唔知喺觀塘食咩好🤔，誤打誤撞搵到森‧湯咖哩🥘，湯咖哩原來係北海道名物，可以揀辣度💥，食果時餐廳建議1️⃣先飲一啖湯咖哩，2️⃣舀一啖飯浸落咖哩湯食，3️⃣湯同飯要分開食，估唔到食咖哩都可以咁有儀式感👏!我堂食完決定打包多份比老公做下午茶~🔸飛驒和牛漢堡扒湯咖哩呢份叫咗原味，咖哩辛辣惹味，和平漢堡扒相當厚，肉味香濃，有咬口，仲超級juicy🤤‼️🔸香煎帶子湯咖哩(外賣)帶子超大粒! 肉質彈牙，呢份湯咖哩叫咗少辣，咖哩味一樣咁香，仲提升咗帶子鮮味🤩每份咖哩都有多種蔬菜配料，例如南瓜、西蘭花🥦、秋葵、薯仔、蘿蔔🥕、茄子等等，我就最鍾意南瓜，索晒咖哩汁甜甜地好好食。薯仔都好香，食得出預先炸過，脆脆地。.跟餐可以加$10加前菜+飲品，前菜係魷魚絲同蝦乾，煙韌，少少辣，好開胃。飲品揀咗凍綠茶，清甜解膩，好解渴~另外叫咗吉列蠔、魷魚卷，份量有誠意，炸得香脆，食得好滿足💯😙