十八座狗仔粉

營業中

休息中

某日同朋友經過十八座狗仔粉，我話我未食過，朋友覺得我好奇怪，話呢啲野應該係由細食到大喎🤔。真係？我只食過銀針粉咋喎，好啦，今日lunch趁有機會就走去試下！坐低叫左細粉細翅，我見份量唔大應該食得哂，咁就一次過滿足哂兩個要求喇😁。落單時阿姐問我加唔加豬油渣，會香啲口感豐富啲， 我話好吖😊。其實狗仔粉個質地有啲糊，有啲結，我一般唔會鍾意嘅，但因為加左蔥同豬油渣，有啲脆口香口野混下，味道又唔錯噃。我見菜牌有大大隻字「辣菜甫」，應該係好野，於是我就加左一匙... 好好味呀， 菜甫本身好脆口又夠哂辣，加落去成碗野提升哂啦😍😋👍跟手我仲落多兩大匙添😁食完粉就試下個翅啦，碗翅感覺好多料，每匙都舖滿火鴨絲同木耳，雖然的覺得結左啲，但火鴨嘅煙香味同木耳嘅爽脆加埋大量胡椒粉，真係令你好想快啲清左佢😅為左佢嘅辣菜甫，我覺得都可以久唔久嚟幫趁下嘅😝。