咖哩葉

營業中

休息中

今晚同朋友敘舊，佢帶埋小鮮肉公子出嚟幫手食嘢。叫嘢食前問小鮮肉食唔食到辣，佢話都得，反正餐牌無牛叫，我叫佢發辦。先上素咖哩角，其實入面係薯仔，無乜咖哩味，然後嚟個咖哩羊，初初食都好味，點知越食越辣。 。 。蘑菇飯好味，佢哋啲米好得意，煮出嚟一粒粒嘅，再上咖哩雞，呢個仲辣。 。。。雖然有薄餅送，但小鮮肉都辣到係咁呼氣，唯有叫侍應加多啲水。我哋每人都叫咗一杯 mango lassi, 點解 openrice 張相咁滿，我哋嗰杯少咁啲嘅 😭食完飯坐咗半個鐘都有係度傾計，佢哋又唔會趕我哋走，餐廳仲有樓上，應該都幾多位置。