八一蕃巴蜀烤魚店 (砵蘭街) (已結業)

這條街都有幾間食店，人流唔多，容易有位，所以過來行下。行行下望望下，見到有個牌子，係食巴蜀麻辣、川式香辣、小龍蝦，抬頭望是食烤魚，咁就走了入去！見枱枱都食酸菜魚，但今晚好想食辣，都係食香辣，魚就要了鯇魚。烤魚送來後，見到原來無跟配菜，只鋪滿紅紅辣椒和豆豉。再望下餐牌，原來配菜係自己加，立刻加了一份。配料全份有大豆芽、唐芹、金針菇和秀珍菇，份量都好多，大大碗。鯇魚的魚皮煎到好香脆，個辣汁夠晒味，小辣不會蓋過魚味，再加上唐芹好香。大豆芽配辣汁一流，吸了汁帶辣又爽口。