Sole Coffee (已結業)

餐廳只係得3、4張枱，白色系嘅裝修，主要靠外面透入嚟嘅光照明，比到人一種舒適感。每一款食物其實都好高質，價錢又抵食，所以係近期最欣賞嘅coffee shop！⭐️日式蟹膏醬松葉蟹肉忌廉意大利麵 $118 蟹肉的份量好多，食到最後都仲會有，而且係鮮甜濕潤，超正！ 意大利麵嘅醬汁充足，不過係比較清爽嘅忌廉意大利麵，唔會有油膩感！⭐️All Day Breakfast $98好豐富嘅all day breakfast，有水波蛋、煙肉、大啡菇、薯餅，竹炭多士、沙律菜、另外再加$15叫咗個好好食嘅牛油果，雖然每樣食物都好平凡，但加埋一齊就係療癒嘅all day breakfast ~⭐️cream brûlée latte $40⭐️tiramisu coffee $48呢兩款都係將甜品融入去咖啡之中，既特別又好啱打卡❤️Cream brûlée 嗰款係latte上面有一層簿簿嘅焦糖，可以輕輕敲下🤣Tiramisu 嗰款就係將tiramisu cream代替牛奶再加上可可粉，有啲似奶蓋咖啡，咖啡味道會偏酸一點。