影片
更多
2024-09-06
212 瀏覽
在一星期前預訂了這間omakaze,想說在工作之前好好享受一個午餐然後在工作。所以在網上看這是很高評價的一間餐廳於是便預訂了。在lunch Menu入邊有兩個set可以揀一個是980以刺身為主的另一個680以壽司為主而我因為鍾意食刺身比較多所以就揀咗刺身MenuOrder咗之後見到師傅喺度開魚去皮平時啲Omakase 未必會見到呢個步驟因為有啲係隔夜買剩但係呢間證明咗食材好新鮮師傅係即開即劏，而且手勢都好專業去皮切骨成個步驟都好smooth套餐總共有兩款前菜第一款前菜係左手邊醃製左既間八魚 上面鋪咗一啲蘿蔔絲酸酸甜甜間八魚都係醃製左既令人特別開胃而右手邊係海藻茶碗蒸可能加咗海藻嘅關係令到成個茶碗蒸都好鮮甜呢個湯做得超級出色，無論鮮甜度同口感我都好鍾意，師傅用咗鱧魚做一個清湯然後配新鮮柚子成個感覺係好清新清甜，柚子唔會搶左湯既味道，啱啱好係有種好清新嘅感覺，二成碗湯都唔會覺得腥或者有魚味，係我覺得好好飲嘅魚湯跟住就開始上刺身啦第一款係Suzuki鱸魚 配酸汁 我個人覺得比較有咬口第二款係九州特產嘅間八原來冇醃製嘅樣係有啲似油甘魚但食落去同油甘魚嘅口感相似比油甘魚更加鮮甜第三款係北寄貝呢個
在lunch Menu入邊有兩個set可以揀
一個是980以刺身為主的
另一個680以壽司為主
而我因為鍾意食刺身比較多所以就揀咗刺身Menu
Order咗之後見到師傅喺度開魚去皮
平時啲Omakase 未必會見到呢個步驟
因為有啲係隔夜買剩
但係呢間證明咗食材好新鮮
師傅係即開即劏，而且手勢都好專業
去皮切骨成個步驟都好smooth
套餐總共有兩款前菜
第一款前菜係左手邊醃製左既間八魚
上面鋪咗一啲蘿蔔絲酸酸甜甜
間八魚都係醃製左既
令人特別開胃
而右手邊係海藻茶碗蒸
可能加咗海藻嘅關係令到成個茶碗蒸都好鮮甜
呢個湯做得超級出色，無論鮮甜度同口感我都好鍾意，師傅用咗鱧魚做一個清湯然後配新鮮柚子
成個感覺係好清新清甜，柚子唔會搶左湯既味道，啱啱好係有種好清新嘅感覺，二成碗湯都唔會覺得腥或者有魚味，係我覺得好好飲嘅魚湯
跟住就開始上刺身啦
第一款係Suzuki鱸魚 配酸汁
我個人覺得比較有咬口
第二款係九州特產嘅間八
原來冇醃製嘅樣係有啲似油甘魚
但食落去同油甘魚嘅口感相似
比油甘魚更加鮮甜
第三款係北寄貝
呢個係我最鍾意嘅刺身同我哋平時食熟咗嘅
原來差好遠，呢個口咁咬落去係比較爽口而且非常鮮甜，就算食咗落肚，條脷都會徘徊住鮮甜嘅味道
第四樣係甘蝦刺身
呢個我會排第二先甜
師傅教第一隻用Wasabi食
第二隻先Wasabi加豉油
其實唔使加豉油我都覺得好鮮甜
第五樣刺身
有兩款北海道八爪魚一款係八爪魚吸管另一款係八爪魚身
呢一隻刺身配咗醬漬Wasabi 同普通Wasabi
我自己就鍾意醬漬嗰一隻但係就比較辣啲
食落去比較有口感同埋吊出咗八爪魚嘅鮮味
跟住上壽司之前呢就上咗一個熱食係一個炸蝦丸配咗一條綠色嘅辣椒，由於係啱啱整好相嘅時候仲係熱辣辣，咬落去好香蝦味配埋辣椒一流
跟住就開始食壽司總共有八種第一種壽司熱海既金目鯛
師傅提前用熱水淥過魚皮，令到壽司可以更容易入口。
第二種，帆立貝昆布漬，用咗昆布職業制更加令到口感軟滑味道濃郁。
第三種，福岡魷魚入面有啲紫蘇葉，師傅好好咁切開左，好有口感。
第四種，新秋刀魚壽司 ，聽師傅講原來秋刀魚就係秋天先有嘅，所以而家啱啱入秋，所以就叫新秋刀魚，呢個時間嘅秋刀魚會比較鮮甜啲
。如果過多幾個月嘅話就會比較肥美。
第五種壽司霜降吞拿魚腩，一睇就知道充滿咗油分咬去超級香。
第六，蛇腹吞拿魚腩 ，師傅加咗鹽阻隔油。
第七款係醬漬吞拿魚，師傅話呢一款係佢最鍾意嘅壽司
最後係最吸引嘅海膽手卷，勁新鮮同鮮甜完全唔會有腥味，滿滿嘅海膽就係徘徊喺口中
最後Menu可以揀烏冬或者麵豉湯
本身我想試吓個烏冬咖
不過我太飽啦所以我都係揀咗麵豉湯，但係其實佢個麵豉湯都做得好出色因為成個湯都好鮮甜同埋好足料，我第一次飲晒成碗嘅麵豉湯
整體嚟講我超級滿意今次嘅Omakase
係好大驚喜，因為由前菜開始就感受到師傅好用心去製作，每一個擺盤同口感都係經過設計的，師傅服務都好好由前菜去到最後麵豉湯佢都會好細心咁樣去同客人解釋，佢係點樣製作啦同埋介紹返時令嘅魚啦，我聽到同台有啲客人問師傅幾時會喺度，如果佢喺度佢哋先過嚟食，好彩師傅長期都會係餐廳，呢間餐廳我一定會encore，環境食物服務上我都係覺得係100分。如果大家想食omakase,真係可以考慮呢一間絕對唔會有伏。
張貼
