Pepper Lunch Express (又一城)

營業中

休息中

放工後要趕返大陸，咁就要食個快飯跟住坐直通車啦。紅磡站無野好食所以就係九龍塘轉車時去又一城食野喇，由於要快，就第一時間去food court睇下，點知吉野家無咗，又唔想食麥當勞，就揀咗pepper lunch。我揀咗個最穩陣既黑椒牛肉飯，加大咗變大盛，野飲要加8蚊，都幾貴，不過無理由乾哽啩。依個時間都好多人，由其是學生，都幾難搵位。坐低第一時間要反下啲牛肉，用塊鐵板煮熟佢，我就好似炒飯咁炒到佢亂哂咁食。雖然好好味，但就好熱，其實唔係咁啱我依啲趕時間既人，黑椒好香，牛肉都好濃牛味，唔夠汁可以先已加，穩陣之款。