Homeland (牡丹大廈) (已搬遷) 新店位置

平日午市嚟到有午市套餐，包一杯嘢飲同埋沙律。今次同朋友每人叫咗一個餐，另外再加兩個小食。三文魚意大利飯一食落口有驚喜，成個飯都有少少辣辣地嘅味道，應該係落咗tabasco，同平時嘅白汁味唔同。個三文魚煎到脆脆地有口感，份量都好大碟。牛肝菌意大利飯標準發揮，有好多唔同種類嘅菇，成個飯底都係有好香嘅菇味同埋白汁味，足料好食。法式田螺之前喺第二啲餐廳試過有腥味嘅田螺，呢個雖然價錢平，但質素唔錯，起碼冇腥味，仲食到佢啲鮮甜味。明太子雞翼本身以為係入邊有餡嘅明太子雞翼，嚟到發現佢嘅名太子係喺雞翼上面嘅。明太子味都算濃郁，雞翼唔會話太乾，襯呢個明太子醬味道啱啱好。喺附近返工食連鎖餐廳食到厭左，嚟呢度食下啲Cafe都幾好，最緊要佢上菜上得快，服務唔錯，多選擇。嘢飲同沙律都係高水準。