影片
更多
2023-03-23
1900 瀏覽
餐廳：A.B.C.P (灣仔)地址：灣仔明仁里3號安興大厦地舖灣仔明仁里呢條巷仔有一間隱世嘅Cafe——A.B.C.P @a.basic.coffee.production ，開咗4個月左右，雖然唔多起眼，Cafe位置亦都唔多，但喺每日嘅lunch time時間都吸引唔少人過嚟食個Healthy Lunch或者嘆番杯咖啡☕️平日嘅12noon左右嚟度，Cafe已經坐滿得7788，用餐唔夠一個鐘，已經有十幾人喺Cafe出面等緊位入座，加上附近唔少打工仔專登過嚟買杯咖啡外賣🥤，估唔到又真係幾旺場🔥，究竟喺有咩吸引到咁多人過嚟呢？A.B.C.P其中一個老闆喺炒咖啡豆出生嘅，擁有自己嘅咖啡豆品牌，而另外其他老闆都玩咗咖啡好多年，佢哋覺得一杯好嘅咖啡，只需要back to basic，唔需要太多花巧嘢都可以好正，所以就幫Cafe改咗呢個名😎；而佢哋嘅食物就以健康、素食為主🌱，難怪吸引咁多OL過嚟食個Light Lunch啦😌✝️Penne All'Amatriciana $108呢個豬面頰肉番茄麵用咗掛汁嘅長通粉去整，當中加入鹹香十足嘅風乾豬面頰肉🐷，仲有風味突出嘅蕃茄🍅、辣椒碎🌶、芝士🧀，每樣食材
地址：灣仔明仁里3號安興大厦地舖
灣仔明仁里呢條巷仔有一間隱世嘅Cafe——A.B.C.P @a.basic.coffee.production ，開咗4個月左右，雖然唔多起眼，Cafe位置亦都唔多，但喺每日嘅lunch time時間都吸引唔少人過嚟食個Healthy Lunch或者嘆番杯咖啡☕️
平日嘅12noon左右嚟度，Cafe已經坐滿得7788，用餐唔夠一個鐘，已經有十幾人喺Cafe出面等緊位入座，加上附近唔少打工仔專登過嚟買杯咖啡外賣🥤，估唔到又真係幾旺場🔥，究竟喺有咩吸引到咁多人過嚟呢？
A.B.C.P其中一個老闆喺炒咖啡豆出生嘅，擁有自己嘅咖啡豆品牌，而另外其他老闆都玩咗咖啡好多年，佢哋覺得一杯好嘅咖啡，只需要back to basic，唔需要太多花巧嘢都可以好正，所以就幫Cafe改咗呢個名😎；而佢哋嘅食物就以健康、素食為主🌱，難怪吸引咁多OL過嚟食個Light Lunch啦😌
✝️Penne All'Amatriciana $108
呢個豬面頰肉番茄麵用咗掛汁嘅長通粉去整，當中加入鹹香十足嘅風乾豬面頰肉🐷，仲有風味突出嘅蕃茄🍅、辣椒碎🌶、芝士🧀，
每樣食材都有自己嘅風格同特點，加上經過老闆們不停試味同研製食譜，終於襯托出呢碟酸辣均勻、辛香開胃、味道出眾嘅Penne All'Amatriciana
✝️Sunset Egg Benedict $128
有別於一般嘅Egg Benedict，A.B.C.P特別整成呢款粉紅色系嘅Sunset Egg Benedict，
底層用咗粉紅香草包🥯，整到外脆內煙韌，中間加咗紅菜頭蓉，不過就令到香草包有少少腍咗，再加$10加埋風乾火腿，
面頭放上流心水波蛋🥚，當然唔少得粉紅色嘅荷蘭汁去帶出鮮味。整體賣相的確幾吸引，以紅菜頭嘅新鮮香味為主，膩滑蛋香同風乾火腿嘅鹹香為次，仲有隱隱約約嘅香草味道🌿，配埋咖啡一齊食就最啱☺️
Cafe嘅咖啡豆有兩種選擇，一款喺House S.O.E.，另一款喺Seasonal Premium S.O.E.。
叫咗杯用House S.O.E. 咖啡豆整成嘅Cappuccino(原價$45，跟lunch set減$20)，入口比較Nutty，喺獨家嘅咖啡豆品牌；
另外叫咗杯Flat White(原價$45，跟lunch set減$20)，咖啡豆喺用咗後者拎咗2022年World Barista Championship冠軍選手Anthony Douglas揀選嘅咖啡莊園，以Double Anaerobic Fermentation處理嘅Colombia Huila El Diviso Estate Sidra Bourbon - Double Anaerobic Natural(+$30)，入口有濃厚嘅士多啤梨、玫瑰香，咖啡豆風味顯而易見，好易品嚐得出，相對濃厚Fruity
張貼
