心夜來潮 (已易手) 新餐廳

是夜因為要同媽咪慶祝生日，本來打算去荃灣另一間食，但後來呀哥提議去依間，打去book左6點，因為遲左驚要坐出面無冷氣同無大圓台。咁我地去到都仲早，只有一兩台客，咁我地就叫野食喇。由於咁早食飯我地都唔敢叫太多住，叫左個石板燒茄子、牙簽雞、豬手（細）、海膽炒飯，滷味拼盤、蜆、豬油炒菜心。其實各樣都真係唔錯，不過可能因為我屋企人都係潮州人關係，由細到大平時都食開依d又無乜覺得好特別，由其個滷味拼盤媽媽話唔夠入味一般。牙簽雞係特別既，由其小朋友最中意食。個蜆都唔錯（我自己無食到）但入面既栗米吸晒d清湯既味好鮮甜，我地仲叫左白飯黎送，可以變湯飯。同埋份量超多！叫左細既都勁大煲！數埋有4/50隻😱豬油炒菜心都好食，不過始終感覺太油都唔敢食太多唔健康。其實佢都唔算話真係做十分正宗既潮汕菜，因為有好多都唔係潮式野，感覺似fusion多d。不過整體都ok穩陣既。