彩福皇宴 (置富都會)

營業中

休息中

彩福皇宴雖然都系一個連鎖集團，但系品牌名氣稍有不及，若不是今日與親戚系紅磡站附近飲茶，亦唔會知道原來有間甘抵食又好食既酒家。呢張紙共有八款奪得旅發局美食之最點心大獎既點心，店員亦主力推介呢張紙，同埋都真系好多人都會揀。貌似「蚊香蛙」既旋風黃金流沙包先聲奪人，賣相已令人有無限暇想。內裡全部均能造出極沙既流沙質感，全因為咸蛋份量夠，奶黃起曬沙，勁香勁好食。呢個系芝士海皇千絲春卷，亦系另一款得獎既大熱點心，用蘿蔔造出千絲既香、酥、脆效果，以代替普通春卷皮，再加埋蝦同芝士，新派之餘，亦夠惹味好食。另有港式蝦米豬腸粉呢款得獎點心，腸粉包住蝦米及蔥花，再有港式風味極濃厚既甜、辣、花生三醬，懷舊感覺出曬黎。特別的是，腸粉皮好滑，以及夠薄！新式及得獎點心做得非常好，但連普通菜式也處理得唔錯。例如欖菜肉鬆脆米炒飯都炒得幾好，米飯粒粒分明，炒出火候，欖菜同肉鬆拎黎炒飯本來就好香口，夠惹味。店方亦加左啲脆米增強口感，食落每口都有啲卜卜脆既口感。燒賣賣相都幾好，平時另一半唔夾燒賣都話幾靚幾新鮮想試下。蝦肉夠大粒，厚肉彈牙，豬肉亦夠滑，最緊要系皮薄滑身唔會痴牙。