Cafeholic (已結業)

觀塘食lunch永遠都好多人，要搵個坐得舒服嘅地方都唔係咁易，同事有日介紹左呢間西餐，話嘢食質素都唔錯。我地嗌左兩個餐，好開心個餐湯係洋蔥湯，好香甜又唔會飲到太飽食唔正餐。兩個人share左豬髀鞍飯同魷魚圈帶子意粉，個豬髀真係幾正，好腍身，豬肉味香濃，配埋茄子配菜又平衡返啲油膩感，真心好食。另外個意粉都唔錯，不過估唔到帶子好細粒，但麵質就好夠質感，兩碟都清哂！而成餐最最最驚喜嘅竟然係發哥！原來聽講佢成日會去呢間度食lunch~~真係意外驚喜呀！