何富記麵家

營業中

休息中

朝早過尖沙咀辦事經過呢一間店，諗起好耐都冇食牛腩，咁就行入去睇吓。店舖都好乾淨企理，店員姐姐好熱情，好好服務態度。我嗌咗個咖喱牛三寶飯。牛三寶有邊幾寶呢？我見入邊有牛筋牛腩同埋金錢肚佢哋個牛腩都炆得好入味，金錢肚就好筋道，牛筋比較好食入口即化。不過可能平時我食得比較清淡，我覺得佢哋呢間嘢嘅咖喱會有少少鹹，可能比較適合重口味嘅人。我見店舖入邊嘅辣椒都好多人會加落去搭配牛腩麵。下次再嚟試吓呢一間嘅牛筋腩麵，聞到覺得好香。