金色不如帰 (H Zentre)

營業中

休息中

🉐連續五年東京米芝蓮一星推介🉐期間限定牡蠣白湯拉麵貝汁醬油拉麵🐚🍜貝汁系列拉麵有鹽味同醬油兩款，將由呢款係連續五年獲得東京米芝蓮一星推介，湯底係以蜆湯、豬骨清湯同埋魚清湯熬成嘅三重湯底，飲第一啖湯已經食得出濃濃嘅鮮味，另外配上黑松露醬、牛肝菌油以及牛肝菌粉，令整體嘅味道更加有層次感，本身拉麵有一塊三層肉同埋慢煮叉燒，亦可額外加配糖心蛋，兩款肉類等等。牡蠣白湯拉麵🦪🍜呢款係期間限定嘅拉麵，一上枱已經比濃郁嘅鮮蠔味吸引住，湯底比招牌嘅貝汁湯較為濃稠一啲，加埋鮮牡蠣油同牡蠣醬，形成強烈嘅蠔香味，而唔少得仲有醬漬牡蠣，調味適中，唔會過鹹，亦有招牌柔軟嘅慢煮叉燒，整體嚟講十分推介！自家製豚肉餃子🥟加$38仲可以選擇一份小食同飲品，自家製豚肉餃子餡料豐富，調味都唔錯！白桃焙茶🍹估唔到白桃同焙茶都可以咁夾，入口有白土嘅果香，慢慢伴隨着焙茶嘅茶香，係一杯有驚喜嘅飲品。