江戶前日本料理 (已結業)

今日星期五放工，有3個同事（包括我）一齊揾個食日本野的地方加吹水。天氣好熱，日本野係一個唔錯的選擇。我地叫左鰻魚炒飯，豬軟骨拉麵，極上壽司，大蝦刺身加三文魚扒。鰻魚炒飯味道不俗，而且鰻魚的份量不少，都幾抵食，豬軟骨拉麵則正常，並不是太有特式。我個人比較喜愛極上壽司，即包含多款不同種類的壽司，約十件，而且每件我都鍾意食，色香味全。大蝦刺生味道鮮甜，感覺唔錯。最後的三文魚扒，以香煎的方法去製作，十分香口。整體感覺很好，美中不足的是冷氣機好似唔係好夠凍。