影片
更多
2018-09-04
701 瀏覽
角色:John大大(J) 版主(K)J:埋黎食野吖，我地呢度有唔少素食選擇，有竹笙上素飯🍚、鮮茄豆腐飯🍚、任你揀白汁，鮮茄汁，咖哩汁既雜菜飯🍚，仲有…………K:我今晚「唔嗅米氣」，唔想食米喎J:唔緊要，我地仲有沙律套餐，有鮮果沙律、薯仔碎蛋沙律，更可以配格仔餅、炸饅頭呢d小食，都唔錯架!K: 沙律我怕會唔夠飽………🙊J:咁………有啦，我地有上素雲吞麵……K:😍😍😋於是，版主昨晚就試了John大大店的素雲吞麵啦。雲吞麵🍲可選配蕃茄湯底，而雲吞共有4粒(售價36元)，饞嘴的版主為了在祭「五臟廟」表示誠意，特意再添加雲吞3粒(共1X元)😋。上素雲吞麵的蕃茄湯底，蕃茄味稍嫌不夠，味道若能更濃，便可使人更為開胃。雲吞的用料頗為豐富👍，有蘿蔔粒、木耳、炸菜等，雖說在材料上沒甚麼特別驚喜(J大大可能心諗:俾omnipork同impossible burger你切粒做材料好冇……你這客人都真係奄尖🤣)，但味道上都是可以一試的。如果有朋友過開尖沙咀，又剛巧想試素雲吞，John大大會是一個可以考慮的選擇。順帶一提，John大大仲識整素菜三文治架，如果晚上收左工，想食三文治的，都可以8點前搵下大大的
角色:
John大大(J) 版主(K)
J:埋黎食野吖，我地呢度有唔少素食選擇，有竹笙上素飯🍚、鮮茄豆腐飯🍚、任你揀白汁，鮮茄汁，咖哩汁既雜菜飯🍚，仲有…………
K:我今晚「唔嗅米氣」，唔想食米喎
J:唔緊要，我地仲有沙律套餐，有鮮果沙律、薯仔碎蛋沙律，更可以配格仔餅、炸饅頭呢d小食，都唔錯架!
K: 沙律我怕會唔夠飽………🙊
J:咁………有啦，我地有上素雲吞麵……
K:😍😍😋
於是，版主昨晚就試了John大大店的素雲吞麵啦。雲吞麵🍲可選配蕃茄湯底，而雲吞共有4粒(售價36元)，饞嘴的版主為了在祭「五臟廟」表示誠意，特意再添加雲吞3粒(共1X元)😋。
上素雲吞麵的蕃茄湯底，蕃茄味稍嫌不夠，味道若能更濃，便可使人更為開胃。雲吞的用料頗為豐富👍，有蘿蔔粒、木耳、炸菜等，雖說在材料上沒甚麼特別驚喜(J大大可能心諗:俾omnipork同impossible burger你切粒做材料好冇……你這客人都真係奄尖🤣)，但味道上都是可以一試的。如果有朋友過開尖沙咀，又剛巧想試素雲吞，John大大會是一個可以考慮的選擇。
順帶一提，John大大仲識整素菜三文治架，如果晚上收左工，想食三文治的，都可以8點前搵下大大的。咁8點後有乜野食?有呀，咪就係🆓️既「閉門羹」囉。
講左咁耐，大家都應該會有一個疑問，乜野John大大呀，搵openrice,搵google都搵唔到喎………🤔。版主你係咪去左第二個平行時空呀😵😱。當然唔係啦，其實John大大係版主自己諗的店鋪別名，店鋪的資料如下:
Big John
地址: 尖沙咀樂道17號地下
電話: 27396035
註:內文中的「唔嗅米氣」，正確意思係指人年紀尚少，不太懂事。版主用這詞語，只取字面意思，純粹表示唔想食飯👨🏫。
張貼
