七福神和食亭

營業中

休息中

今日我同好朋友嚟到佐敦呢間餐廳聚舊,原來這間居酒屋已經開了好多年,不過卻是我們第一次來試。餐廳係二樓,環境好日式,有種日本小店既感覺, 仲有好多日本特色擺設, 地方又大又舒服又夠靜,真係適合好朋友嚟傾計。首先我哋試咗蟹籽沙律, 份量超大, 差唔多同個人面差不多大。沙律入面既青瓜絲都好新鮮,而蟹籽份量十足,蟹柳都好鮮甜,味道好好。之後我哋試咗刺身拼盤, 我覺得最正既係海膽, 好鮮甜,質感又濃郁, 又好creamy。油甘魚質感爽甜, 帶魚油香, 三文魚腩又鮮又肥美。然後我哋食咗一盤壽司拼盤, 每件都好新鮮肥美,加上壽司飯咬落去口感很好, 超級正。最後我哋試咗幾款日式串燒,有如軟嫩鹽燒雞翼、牛肉串和豬頸肉等,每一款都十分惹味,肉質軟嫩多汁,配上特製的調味醬汁更是絕配。叫咗幾支富士山柚子梳打，味道奇怪，不建議。總括來說, 呢間居酒屋環境舒適,適合同好朋友嚟傾計,而且食物種類齊全,性價比算高。