影片
更多
2016-11-14
1078 瀏覽
先講講，早在AEON裝修後便留意到呢間位於3樓的餐廳，身處於兒童部，感覺就好似係比一家大細去gei親子餐廳，而且裝潢走簡約風，但有牛牛做餐廳代言，非常可愛，好吸引大小朋友，所以早已經想試試。第一次嚟試食其實係同Brother兩個人黎，點知食完仲中左25週年的優惠，下次惠顧可以全單75折，於是決定成家人一齊再黎!今次預早打電話訂位，黎到基本上完全唔使等就可以入去。好喜歡餐廳的裝潢，好簡單，但比人感覺好親切好舒服。食物種類都好多又豐富，又日式、西式，台式，仲有我最鐘意的甜品、蛋糕同雪糕，我當然要試啦!!!!韓式泡菜芝士薯條 $58喜歡芝士又喜歡薯條gei我，絕對係一試愛上。超濃郁gei芝士醬，薯條炸得香脆可口，泡菜剪碎放於薯條上，怕辣的話可以不試，不過就連我咁驚辣都食到，真係別有一番風味!!!!必食推介~鐵板牛油日本蜆 $88媽咪話：價錢都幾貴~~只有8隻蜆啊因為，不過勝在好味，唔會腥亦唔會好大陣海水味，味道仲幾鮮甜，而且好香牛油味！照燒特上牛肉丼定食 $138老豆指定選擇，半熟蛋撈飯完全一流，牛肉鮮嫩，入口軟綿，撈埋照燒汁，完全係無得頂啊!!!!不過男士們都話份量太少啦~~~
第一次嚟試食其實係同Brother兩個人黎，點知食完仲中左25週年的優惠，下次惠顧可以全單75折，於是決定成家人一齊再黎!
今次預早打電話訂位，黎到基本上完全唔使等就可以入去。
好喜歡餐廳的裝潢，好簡單，但比人感覺好親切好舒服。
食物種類都好多又豐富，又日式、西式，台式，仲有我最鐘意的甜品、蛋糕同雪糕，我當然要試啦!!!!
韓式泡菜芝士薯條
$58
33 瀏覽
0 讚好
0 留言
喜歡芝士又喜歡薯條gei我，絕對係一試愛上。超濃郁gei芝士醬，薯條炸得香脆可口，泡菜剪碎放於薯條上，怕辣的話可以不試，不過就連我咁驚辣都食到，真係別有一番風味!!!!必食推介~
鐵板牛油日本蜆
$88
38 瀏覽
0 讚好
0 留言
媽咪話：價錢都幾貴~~只有8隻蜆啊因為，不過勝在好味，唔會腥亦唔會好大陣海水味，味道仲幾鮮甜，而且好香牛油味！
照燒特上牛肉丼定食
$138
33 瀏覽
0 讚好
0 留言
老豆指定選擇，半熟蛋撈飯完全一流，牛肉鮮嫩，入口軟綿，撈埋照燒汁，完全係無得頂啊!!!!不過男士們都話份量太少啦~~~
輕煎挪威三文魚柳配白菌忌廉汁
$168
33 瀏覽
0 讚好
0 留言
最鐘意呢間餐廳都真係幾健康，每樣菜式都會配上不同豆類，而且都幾多蔬菜!
三文魚柳非常嫩滑，一啖落口即散，但完全唔嚡口；白菌忌廉汁 ，有惹味的菌香，白汁香滑，配搭起嚟好滋味!
野火森林法式香酥多士
$76
24 瀏覽
0 讚好
0 留言
野火森林法式香酥多士
$76
25 瀏覽
0 讚好
0 留言
本來呢個多士應該配Tiramisu醬，但係因為無曬，我地轉左朱古力醬，餐廳都幾貼心，幫我地另外分開上。
厚厚的多士上鋪滿切片香蕉，加上棉花糖、雪糕伴碟，賣相真係超吸引。多士厚身，我會首先食左入面軟身，咬下軟滑煙韌甜甜的，之後再食圍邊的多士，香脆可口，與雲呢拿雪糕、香蕉配合得不俗，加上朱古力醬更好味，不過我地都始終覺得可能用返Tiramisu醬，會更加出色。
伯爵紅茶焦糖燉蛋
$52
21 瀏覽
0 讚好
0 留言
超特別，好少有呢種口味，所以都要一試!焦糖甜脆，燉蛋香滑，加上濃郁gei伯爵紅茶，我諗小朋友食都會好鐘意~~~
焦糖牛奶泡沫咖啡
$48
18 瀏覽
0 讚好
0 留言
咖啡濃厚綿密，鮮奶味唔係好出，不過加埋焦糖味，咖啡味濃得嚟唔會苦澀，而且入口甜而帶甘香。
熱鮮果茶(壺)
$68
24 瀏覽
0 讚好
0 留言
媽咪同老豆超喜歡飲呢種果茶，整(壺)上台，好大體。果香濃濃的，酸酸甜甜，蜜糖另上，可隨大家喜好，唔落的話飲落較清淡，加埋蜜糖就果香帶點甜味，兩者選擇，唔知你地鐘意邊種多d?!
杏仁脆皮朱古力蛋糕
$46
30 瀏覽
0 讚好
0 留言
蛋糕價錢感覺較貴，不過難得黎到都要試左先!!!!蛋糕很綿很軟，完全唔甜膩，靠外面包住個層朱古力先夠甜，喜歡朱古力的話可以一試~
芝士卷
$48
18 瀏覽
0 讚好
0 留言
芝士味其實不太濃，但意想唔到嘅係蛋糕都幾鬆軟，食落都幾好味，又唔會太膩。不過始終我自己較喜歡芝士味，就有少許失望。
牛奶布甸 $36呢個係遺憾，見到個樣好想試，點知可惜gei係，order左先知原來已經賣哂，希望下次再有機會試試。
呢度仲有雪糕可以外賣，有好多唔同味道比大家選擇~
整體黎講，我自己就好鐘意呢度gei感覺，而成家人都食得好開心，而已服務態度亦十分好，我個人認為係值得一試~~~
張貼
