校長燒肉日韓料理 (已搬遷) 新店位置

呢一日，想食韓燒。行過呢間。見價錢都OK 就入去。首先價錢真係相宜，所以中午時見到唔少後生仔一齊食，講真一舊水可以任食任燒任飲仲想點。飲品種類都唔少，當然係一般放題都有既。佢話日韓，肉類方面其實冇話一大堆汁浸住，大家當日式好少少。唯一推介係魷魚，勁大條，仲有呢間野，有好多種不同汁醬比大家自己DIY所以個魷魚，燒果陣落左好多燒汁，整出黎成個出面賣既燒魷魚咁。好鬼開心。熟食就唔建議，實冇自己燒既咁好食，你唔會比錢入去食炒飯呀？冷盤佢都佢螺肉，沙律菜咁。見佢有切三文魚，不過走都未見有，可能晚市至會出。呢間野，用黎朋友聚會幾好，位都幾大幾舒服。