半糖主義 (已易手) 新餐廳

呢間甜品店好特別，個名叫半糖主義，佢入面嘅裝修好靚，有霓虹燈然後下面有張枱可以打卡影相，好似大陸啲文青cafe咁。餐廳另一個好特別嘅地方係佢啲甜品係用稀少糖黎整，稀少糖除咗字面意思係稀少之外，仲係一種唔會令人食肥嘅糖，唔單止令人唔會肥，仲係一種健康嘅糖，所以好適合怕肥，擔心身材走樣既女仔，所以係一間幾有心既甜品店👍🏻👍🏻因為個人來講好怕食啲好甜嘅甜品，所以諗住叫豆乳味會冇咁甜，果然不出我所料，豆乳真係會冇咁甜。雖然甜度同普通糖冇分別，但食起上黎冇咁大罪惡感，起拿破侖方面，皮都脆而且好香牛油味，如果怕剩食拿破侖會太dry，可以選擇將雪糕吻起個拿破侖度，味道都好夾